[ HOT GOSSIP

最后编辑于 2020-05-22
480 38 217

[ HOT GOSSIP [ HOT GOSSIP

‧ 听闻呢排网上成日都有好多所谓嘅摄影比赛,泛滥到不得了。三日唔到又有一个摄影比赛结果出炉,俾着我就个个比赛都拎堆相去参赛,实行大包围,点都有一两个中奖挂!做新派的「世界大师」,指日可待呀!

‧ 好多摄影师可能都有放自己作品相上网嘅习惯,不过你有无谂过作品好可能会比人偷图?公子成日喺网上见到有人盗用其他摄影师作品扮係自己嘅,用嚟做约model影相嘅profolio。公子明白新人入行或初初影相真係未必有作品比到人睇,但唔该真係唔好偷人相,一嚟作品真係唔係你嘅,攞嚟用都名不正言不顺啦;二嚟摄影呢行可以话好细,尤其大师或出名摄影师嘅作品可能好多人都睇过,大家真係唔好乱试。

‧ 所以公子有朋友讲过话千析唔好将相摆上网,就係惊人偷!可能你话:「我落晒水印咪无问题啰。」不过骗徒手法层出不穷,可以裁走你个水印,可以用你个水印然后扮係自己。网上世界rightclick一吓、另存图片太过简单,各位摄影师都要小心自己嘅作品版权被盗用。

[ HOT GOSSIP

‧ 早排饮饮下茶,听到隔离檯话佢自己影咗辑靓相,本身谂住share俾身边啲死党睇啦。点知佢有个死党偷咗佢辑相,仲要问都唔问就放咗係自己个有万几人like嘅Facebook Page。最惨仲要连自己个水印都无埋,变咗人地个page嘅水印,咁就呃到几百个like,自己就乜都无,结果?梗係从此断绝来往啦。公子一路听落去都为佢可怜,所以呢,如果唔係收咗钱,千其唔好将原相放上网俾人,真係一句唔该都无就打包咁偷走。

‧ 不过公子有D大师级摄影朋友就话,「加乜鬼水印」呀,愈多人Share你嘅相表示你愈成功,Share多几转冇人知幅相係你嘅,等某D有米机构一个唔觉意,以为你嘅作品係「免费素材」,下载用来卖广告,哈,你等收钱都得啦。

‧ 上个月香港有某位靓女Model,有一辑初出道时候拍的流鼻血靓相,见晒南半球,可能因此就比一家美容丰胸公司睇中用咗嚟做广告,结果被Model发现,在网上闹得热烘烘,结果点?公子唔知,正路当然搵律师代表追讨,唔係要版权费,而係告诽谤要赔偿啦!人地靓女Model真材实料,几时要做乜丰胸呢!唔係诽谤係乜?

‧ 公子识得有个初入婚摄行业嘅朋友,佢话原来摄影师唔係咁易做,识影相识揿掣唔係一切,你仲要识搞气氛、识得逗新人同老人家开心、又要识得婚礼上嘅礼仪同程序。不过佢自己本身性格又内向又唔钟意讲笑,所以都好惊做唔嚟。不过你入得呢行就预咗要咁啦,除非你转做商品摄影、风景摄影之类影死物嘅範畴。

‧ 演唱会环境暗就係人都知啦,公子前排就谂住去睇演唱会,特意同老友借部「黑夜之王」嘅无反机去影吓相,老友畀得一粒原厂同两粒副厂电池,话上次旅行返嚟叉满电后都未用过,咁公子就废事又拆袋又开机又叉电啦,唉,结果领嘢!



上一篇: 下一篇:
你可能还喜欢以下内容